Historia jonë nis nga pasioni për mikpritjen dhe kuzhinën. Prej 17 vitesh jam pjesë e kësaj bote – nga një ndihmës i thjeshtë deri tek drejtimi i restorantit tim. Çdo përvojë më ka mësuar se sekreti i suksesit qëndron tek kujdesi, përkushtimi dhe dashuria për klientin.

Prej 7 vitesh, së bashku me dajën tim, kemi krijuar paPirunj – një vend ku tradita italiane takohet me një atmosferë të ngrohtë e miqësore. Nuk jemi luks, por jemi të vërtetë: çdo pjatë është e përgatitur me përbërës cilësorë, dashuri dhe respekt për shijen.

Ne punojmë çdo ditë me të njëjtin entuziazëm si ditën e parë, duke sjellë jo vetëm ushqim të mirë, por edhe një eksperiencë që mbetet në kujtesë. Ky është paPirunj – një restorant ku shija, pasioni dhe mikpritja bëhen një.